زجل
(رد وكلمني)
رد وكلمني يابني آدم
ردت المية فى زورك
مغرور إنت ومش فاهم
وينعل أبوه اللي يزورك
طلبتك . مره والتانية
وبسيادته الحاكم يتآمر
خلتني مفارق ف الدنيا
الدنيا الأطعم . م السكر
شايف الملايكه عيونك
وشايفني الدمع الباكي؟
مهو إنت أصلك مجنونك
وشيطانك راكب ملاكي
وسواده أوضح من نورك
رد وكلمني يابني آدم
ردت المية في زورك
مغرور على إيه ياعنية
على فلج السن المكسر؟
ع الشباب الراحل بالنية
والعمر النازل وبيصغر؟
بكره تندم . وتقولي
ياريتني عشقت الحنية
تعالى شوف اللى حصلي
يا (حربي) ياأبوالعاطفية
ويانجم ملعلع بظهورك
رد وكلمني يابني آدم
ردت المية في زورك
تعبت منك . م كفاية
بشفايف غيرك راح أشرب
غرورك رماني في شواية
ومن نارك ح أشرق/ أغرب
بس راجع تاني مودة
محبة _ تزوق أشواق
جناين تشوف فيها الوردة
جدر . بشجر العشاق
طارح ف غيابك وحضورك
رد وكلمني يابني آدم
ردت المية في زورك
مغرور إنت ومش فاهم
وينعل أبوه اللي يزورك
زجل
حربي علي
شاعرالسويس
ليست هناك تعليقات:
إرسال تعليق