قالوا الدنيا دي مدرسة
بتعلم الكسلان .......
واللي طعنه صديقه
بخنجر تلم بسنان......
واللي غدر به حبيبه
ونيمه ف أوهام........
واللي جار عليه الزمن
وشغله عند واحد
حوساله خدام ........
واللي ترملت بدري
وطمع فيها جبان .......
والبريء اللي أتسجن
على إيد واحد
رخيص عميان................
رديت على الكل
وقلت :
الكلام ده كله غلط
مش... صح ..........
دي مقوله .
قالوها أجددنا زمان.......
أيام ما كانت
اللحمة بتباع بالرطل..........
وبكوزين دره
وشوية غلال...........................
وكان كلامهم
حكم. ...........
بيدخل القلب
ويعشش. كمان...................................
لكن الزمن غير الزمن
فيه النهب سلطان .....................
والغش والتدليس
ف البشر
علموه لإبليس
والدنيا
ف حاره ضيقه
سد
وزحمه زحام .................................
والمدرسة اللي.
كانوا
بيقولوا عنها
أجددنا
جدارها كله وقع .................. ..............
وبقت مأوى
لضريبه المكس
والحقن والبرشام ..............................................
وعليه العوض
ومنه العوض
وأدعي ورايا
وقول أمين أمين
رب العرش العظيم. .......... ............ ........
الشاعر والمفكر جمال حلمي
ليست هناك تعليقات:
إرسال تعليق