بعدك ياأمي ماتت مشاعري لأ مت أنا
دمعتي ع الخد تجري ولا حد ياأمه خلاص شايفها
بأصرخ بأعلي الصوت و الصرخة ما حد سامعها
فرحتي بسمتي حتي نسبت ياأمه مكانها
ليه ياأمي تعوديني لما أتعب أجري بالمشوار عليكي
فاكر ياأمي كل كلمة كلمة ياواد كانت بتشفي
دلوقتي راجل طب ياريتني فضلت واد
ده أنا لو لقيت اللي يسمع يخرس جوايا الكلام
آااااااه ياأمي نفسي أجري جوه حضنك
نفسي ياأمه في لمستك و الطبطبة
نفسي أرجع تاني عيل نظرة من عينك دوايا
نفسي أنام و أصحي ألتقيكي ياأمه بتناديني
نفسي ياأمه تعودي ليا و صدقيني في يوم ما أضايقك
بعدك ياأمي إبني بنتي زوجتي أختي أخويا صاحبي
حتي أبويا حنان مفيش بعدك دنيتي ولا تساويش
طب ياأمي إتشفعيلي خديني ليكي ريحيني
في كل ركعة بأدعي ياأمه أكون معاكي صدقبني
عمرك ياأمي ما كنتي قاسية من جنتك ليه تخرجيني
بقلمي : محمود عبد الله عبد المجيد
ليست هناك تعليقات:
إرسال تعليق