الكلمه الطيبه صدقه والرسول بنفسه بلغنا حتى لو عن طريق المجامله لكن تسعدنا وتفرحنا.
ليه العند والمجادله والغيره ماليا قلوبنا ونقول كلام يجرحنا ويزود همومنا.
بكلمه حلوه تريحنا وتهدى نفوسنا وتزيل دموعنا وتخلى الحب يجمعنا.
ليه الظلم والقسوه والكره اللى داخل قلوبنا ونزعل ناس تعشقنا.
وتحبنا وتحترمنا وبتقدر ابداعنا وطريقة تفكرنا وحسن إختيارنا.
لكل موضوع يواجهنا ف حياتنا الشخصيه والعامه وحلول تناسبنا.
عشان نعوض أحزانا والهموم اللى بتيتعبنا ومسيطره ع تفكرنا.
نحافظ ع العشره اللى بينا بكلمه حلوه تريح أعصابنا وتخلى السعاده دايما ف انتظارنا.
ونبعد عن الوحده ونكون إيد واحده ف كل حاجه تواجهنا والفرح يملى قلوبنا.
ومافيش داعى نزعل أصحابنا وكل شئ جميل بيلزمنا بسبب كلمه كانت سبب ف فراقنا.
ونزول دموعنا والبعد عن كل شخص يحبنا ويفرحنا ويحافظ ع وجودنا.
دى قصيده مهمه أكيد هاتفدنا وتصحح أخطأنا وتحسن من عيوبنا.
شاعرالعصر صاحب كلمه لها مضمون ومعنى بتشغل دايما تفكرنا وتسعد أوقاتنا.
الكلمه الحلوه نعمه بتحسن من أخلاقنا وتخلينا من أهل القمه والكل يقدرنا ويحترمنا....
الشاعر طاهرمختار
ليست هناك تعليقات:
إرسال تعليق