بحلم أنام واصحي ألاقي
بكرا جميل
و الحال يتغير والقليب
ما يشوف ويل
يا شمس طالعه تعالي
وشقشقي بالخير
دفي قلوبنا الطيبه
وطبطي ع الغير
خلي الفرحه تعرف
لطريقنا دليل
و للا انتي رافضه حلمنا
ومالناش سبيل
النهار ليه متكحل بلون
رموش الليل
فين طلة نور صباحه
اللي بيغنيلها الطير
يا بكرا اللي جاي افرد
إيديك بالخير
وقول للورد يفتح لنا
ويجود بالعبير
والشجر اللي رويناه
بعرقنا كتير
يطرح و خيره
يداوي العليل
على ضي القمر حنو الأمل
باللون الدهب
دا اللي يعيش بالأمل
وحده الأمير
و فصلوا ثوب للأماني
م الحرير
قادر يحققها ربنا
دا ربك كبير
بكرا جميل
مسعد سليم
ليست هناك تعليقات:
إرسال تعليق