هتعرف قيمة امك
على يد مرات ابوك
وهتشوف الفرق بينهم
ومين كان بيراعيك
وكان بيخاف عليك
و مصلحتك اولى عندوا
ومن اى حد تانى
ونفسه وروحه فيك
هتعرف قيمة امك
على يد مرات ابوك
ولما ابوك يطنش
ويغض الطرف عنك
ويقول دا ابنك ليك
مرات الأب حاجة
وامك حاجة تانية
فى الحب والخوف
عليك
فيه منهم نوع كويس
قلبه صافى ليك
ومنهم نوع مشاغب
عايز يحتل ابوك
وعليه كمان يسطير
ويبقى ليه وبس
ولو منها كان مخلف
تفضل عنك اخوك
وتقول دا ابن بطنى
ولما تيجى ليك
توزى. عليك ابوك
وتقول دا بيعاندنى
ومن البيت يهچچوك
وتقول عنك معاكس
مابيسمعش الكلام
وليها يسمع ابوك
ومنهم نوع مسالم
يفتح قلبه ليك
ويمدحك عندك ابوك
وعنك تقول دا طيب
وتحبب فيك أخوك
اللى مش شقيقك
وكله بيرجع لطبع ابوك
لوكان حازم وحاسم
هيسيطر على الإمور
ويعمل الإصول
ويحميك من اى غدر
عليه ناوية مرات
ابوك
هتعرف قيمة امك
على يد
مرات ابوك
من إبداعات
الشاعر
طه الروبى
ليست هناك تعليقات:
إرسال تعليق