البنوتة
البنوتة اللي شبه التوتة
ام العيون العسلية
كتكوتة علي بسكوتة
طعامتها عسل علي مشمشية
شهد مكرر سكر مرشوش
مهلبية بالفانيليا متحلية
بقلاوة نوتيللا بالحلاوة الطحينية
بندق ولوووز علي حمصية
بالملبن مليانة ومحشية
كنافة ملفوفة مصفوفة
حلاوتها وهي صبية
عيون جريئة نظرات ذكية
وجفون ترمش حنية
طلة جمال بهية
بايدين بضة محنية
بسبوسة بالقشطة
مرشوشة فستقية
ااقول كمان
منجاية كمنجاية
في العزف علي أوتار الحنية
روحها جوزيه وشعور هندية
هي زهرة يانعة و احلي أمنية
عودها قصب مسكر
يملي بحلاوته سكرية
كلامها عسل بينقط
دلع وملاغية
تتمخطر بماشيتها
علي شط الرملة البحرية
صدفة ومحارة
لأسرارها مخبية
لؤلؤة بتضوي
ساعة الفجرية
روحها أمواج بتميل
يمين وشمال بحرية
خدودها تفاح تبوسها ترتاح
ووجهها رباح والطلة
حياء ببهاء علي شقية
عطرها فواح
زبدية ندية
عروسة في رجليها الخلخال
لاجل مايسمع
جلاجلها ف خطوتها
فارس خيالها الخيال
وتخايله لما يغنيلها
ويسمعها عشق المواال
وياليل طول لياليا
ملبساية بومبونايه
ملفوفة سوليفان محمية
قوول عروسة قوول ننوسة
طالعة من البحر خمرية
جنبها ولا حد ولا اجنبية
هي البنوتة السفروتة
ام نص لسان الغلباوية
هي دي البنت المصرية
علي التربية شابة متربية
حياتك معاها حتحبها
العشرة تصونها و عيشارية
عيشتها عيشة هنية
مجنناني أصلها فهماني
بنوتي حبيبتي ونور عينيا
بقلمي عزة حزين
Azza Hozayen
ليست هناك تعليقات:
إرسال تعليق