يا حاجه خليها على الله
الرزق مش بايدك
الرزق بيد الله
وقومي وفك ايدك
وادعي الله
وانسي وماتزعليش
الاحلي بكره
***********
ادخلي دارك
ولمي عيالك
ياطيبه ياصابره
رب العباد مابينساش حد
ولو للحظه
************
لسه ياحاجه زعلانه
ومن ايه بس قلقانه
في ناس كتير غيرك
في الوحل غرقانه
ونفسها تتعلق في قشايه
*************
ياحاجه بصي حواليكي
هتلاقينا كلنا بين ايديكي
وفي وقت الشده وراكي
رب العزه واصانا عليكي
*************
ياسلام علي جلبيتك
هتاكل منك حته
ولا طرحتك
المنقوشه يامه
ياكايده الستات المهبوشه
بتناعة الموضه ومروشه
أما انتي ربنا كارمك
ومن العين محروسه
بسيوني صديق
ليست هناك تعليقات:
إرسال تعليق