طيفك على بالي
صورتك فى خيالى
ضحكك بيشاور تعالي
روحك معايا فرح وجداني
صوتك همس رانن فى اذانى
ليه باشتكي من حرماني
و شعوري انك مش قدامى
علشان مفتقداك
طب ماانا شيفاك
علشان كلامك اللى منتظراه
طب ماانا سمعاه
بيداعب حالي ومتخيلاه
امال علشان ايه
ياقلبي مشغول عليه
علشان عمرى اتحصر
علشان قلبي انكسر
حبيبي طول غيابه و ماحضر
حافضل هنا مستنية لقاه ياقمر
مع الليالى وشاهد علينا السهر
دموع عينيا تبحث وتنتظر
فراقه نصيب وكتبه عليا القدر
والغياب لو طال من حبيب
يبقي حب و خان وغدر
حبيبك مش ملاك و نساك
حبيبك انسان فاتك وهجر
والغدر من طبع البشر
بقلمي عزة حزين
Azza Hozayen
ليست هناك تعليقات:
إرسال تعليق