الفساد ......الفساد
الفسادعَم كل البلاد
وخلا كل العباد
تعيش فى برود
و الرشوه ما لها حدود
المحسوبيه بتزيد
و النصب بقى محمود
و نخر فى جسمنا الدود
و طغى الأمل فى الولاد
شباب بنوا السدود
و دافعوا عن الحدود
دفاع الاسود
قاموا بثورة الكل لها شهود
و قفوا ف الميدان بصمود
و ف اليوم الموعود
سقط النظام و أخدنا العهود
اخترنا هم من غير تردد
لكن ما وفو الوعود
قامت ثوره ورا ثوره
وظل الفقير على حاله مهدود
حتى التموين عليه محسود
و ما تغيرش شىء ف الوجود
الرشوه بقى لها ظل ممدود
و اللى له ضهر يبقى من الاسياد
والظلم ساد
وضاعت كل العهود
الخلاف طغى على العباد
وانشحن ميلاد ومحمود
من كتر الفتاوى
اللى مالها حدود
واندبح لمعى
واحنا شهود
ياناس اتقوا الودود
وخلوا الحب بينكم يسود
البلد دى بلدنا كلنا
ياريت المحبه تعود
ونصلى كلنا سيد ومسود
ننشدالمولى يجمع شملنا
والمودة تعود
والعدل يسود
بقلم:محمد حجاج
ليست هناك تعليقات:
إرسال تعليق