قصة قصيرة
_ بت يابدرية
_نعم يابا
_ تعالي خودي مني الطاجية
وناوليني من حداكي الجلابية
خير إن شالله علي فين؟
والشياكة دي كلتها لمين؟
_ حاروح لعمك الشيخ حسنين
بيجولو إنه بعافية شويتين
بعد صلاة المغربية حأزوره وأشرب معاه الشاي حداه ف المشربية
_ إبجي سلملي عليه وخدله معاك باكو شاي هدية
_ وإنتي خدي بالك من إخواتك الصغيريين خصوصا السفروت سماعين
_ شجي جوووي وربك هو الحارس الأمين
_ سماعين دا أخويا الزين غيرشي إنه لعبي شوية وحبتين
_ أيوة يابتي ماهو خوفي عليه من شجاوته
هو الصغير ونور العين
أصله طيب بس مخه عنيد
نسيت أجولك وأخبرك إن أخوكي أبو اليزيد جاي بكرة ومعاود بعد يومين
_ يا مرحب يامرحبتين
_ أخوكي حيجدم ف التجنيد بجي راجل وحيبجي سندي وناوي إن شاء الله يفتح بيت
إبجي إدبحيلو الدكرين وسيبي البطة لأجل تبيض وسوي معاهم فطرتين وسويهم زين عل الوشين
_ من عينيا التنين
_تسلمي يازينة البنات
ويخيليكي ليا وأفرح بيكي جبل الممات
مش عارف كنت حأعمل إيه من غيرك يابنيتي
ماليتي عليا البيت من بعد المرحومة أمك بدالها بتساعديني وبتروحي وتيجي علي الغيط
_ ماتجولش إكدا يابا
دا البيت بحسك مفتوح وإنت فوج راسنا من فوج
ومن غيرك مالناش حس ف الكفر ولا لينا روح بكرة الدنيا لك تروج
بالسلامة يابا ياأبو الطيابة
ربنا ينولك اللي ف بالك واللي لك ليها شوج
يابنية عمري حارفع دعوتي للسما فوج
بقلمي عزة حزين
Azza Hozayen
#بدرية ف الدار
ليست هناك تعليقات:
إرسال تعليق