بصيت لبلدي
لاقيت عينيها معصوبه
قلت لها مالك يا قلبي
تعبانه ولا انتي محسوده
وليه دموعك بتنزل
وليه طرحتك سوده
وليه وشك اصفر
زي اللي مخضوده
قالت لي يابني
طول عمري موعوده
باللي ياكلو في خيري
ويحدفوني بالطوبه
وياكلو لحمي
ويسبوني معطوبه
ويقولو بنحبك
والحب في عرفهم
صنعه وسبوبه
وانا اللي طول عمري
بضحي علشانهم
رغم اني للغرب مطلوبه
الكل بيطلب ايدي
واقوله يا بني مخطوبه
خطيبي مصري اصيل
يرفع مقامي وينيني
طوبه فوق طوبه
ويجمل وجهي
ويخليني محبوبه
والكلمه عنده سيف
والخطوه محسوبه
مصري جدع من
ارض النيل والنوبه
يصون الارض
ويوفي بالعهد
ويخلي ايام
العدو سوده
رضا ابو شنب
مصر
ليست هناك تعليقات:
إرسال تعليق