قصة قصيرة
تايكوندو شفوي
هي التخينة تبقي عندكم جاموسة
دا م العز وأكل الوز ياسوسااااااا
ياللي بتقرص زي الناموسااا
دا التخينة دي كنافة بالبسبوسة
يازايد ف الرباية
يا ابو نضارة قعر كوبايااااا
يالللي مراتك شبه السفاية
إيش جاب البلطية للبسارياياااااااا
إتلموا ياأهل الحارة
وأقفوا جب أختكو الجبارة
وإفتوا معايا
نجازيه بإيه
انا محتارة؟؟؟ ؟
نعلقوا ف شبكة وسنارة
واللا نكب عليه طبق بايت
فيه بصارة
والنبي لألبسه قضية
بيتعدي عليا بألفاظ نابية
يبات ف الحجز للصبحية
والباشا يعمله ماديليايا
ويجروا ع السجن
بالقوة الجبرية
بيتعدي علي صبية
هو فاكرني إيه هفية
داانا من بحري ياعنية
والجدعنة رباية إسكندرانية
بقلمي عزة حزين
ليست هناك تعليقات:
إرسال تعليق