الجمعة، 14 سبتمبر 2018

مجلة سماء الأبداع للشعر والأدب الألكترونية كتب الشاعر أشرف فؤاد السمادونى قصيدة بعنوان لو تعرف يا إبن أدم

من شعبيات كتابى الأخير ((( أغانى الجيل الذهبى )))
..............((( لو تعرف يا إبن آدم )))
الدَخله / الموال
************
لو تعرف يا إبن آدم
*******
إزاى راح يبقى حالك
بعد ما عُمرك يولِّى
وإنتَّ بتكنز ف مالك
وبذنبك راح تخلِّى
*******************- 1 -
مالك هيروح لغيرك
وإنتَّ هتروح بلاش
ينعم هوَّ ف خيرك
ويلفك ف القُماش
*******************- 2 -
إللى جمعتُه بذنوبك
هيكون حلال عليه
وهتتحمل عيوبك
وهتتحاسب عليه
*******************- 3 -
الدُنيا يا ابنى فانيه
خليك قد الحساب
لو حتى العمر ثانيه
خاف بُكره من العقاب
*******************- 4 -
دى الدُنيا متاعها زايل
إوعىَ شِيطانك يوِّزّك
ف الآخره هتيجى شايل
وذنبك راح يهزَّك
****************** - 5 -
والليل مهما يطوِّل
لازم بعدُه نهار
وحسابك يا إبن آدم
ما بين جنه ونار
******************- 6 -
قابل أصل الحقيقه
وإرحم نفسك خلاص
خلِّى روحك بريئه
حاسب يوم الخلاص
**************************
الأديب الشاعر / أشرف فؤاد السمادونى

ليست هناك تعليقات:

إرسال تعليق

مجلة سماء الإبداع للشعر والأدب الإلكترونية كتب الشاعر سليمان احمد العوجي قصيدة بعنوان على خط الزوال

على خطِ الزوال ---------------------------------- خائبون كجندٍ تحاصرهم خيانة كصبرٍ يحفرُ أنفاقَ الفرجِ بإبرةِ الوهم. منكوبون كمدنٍ سب...