................. إفردي جمالك ..........
حرري شعرك من الضفيرة
خليه يرفرف علي اكتافك
ليه تسجنيه في حريرة
ده بيسحر كل اللي شافك
كل الزهور ليكي اسيرة
وإحتارت توصف أوصافك
سيرتك للطيور أجمل سيرة
وإفردي جمالك بإبتسامه
برقة مشاعرك جوايا أميرة
و في كل بستان ليكي علامه
وقفتك نورت معني الصورة
تطيب القلوب من الحرمان
وطول عمرك بشوفك سنيورة
وورودك طرحت علي الأغصان
عمري ما شوفتك يوم مغرورة
ورقة نظراتك ليا فل وريحان
أحن ليكي قبل مع ما أشوفك
وأحوم حواليكي في كل مكان
وردة جميلة بيسحرني طيفك
وردة رقيقه بأجمل الألوان
جوه قلبك عايش بكيفك
وجوه قلبي ساكنه في بستان
.................................................
............ حسن الشوان ...................
ليست هناك تعليقات:
إرسال تعليق