يا موج البحر يالى
فوق على الشط طالع
وصل معاك سلامى
لحبيبى وانت راجع
قوله فاكرين غرامة
ولا يوم إحنا نسيناه
ولسه مازال مكانه فى
القلب
لغيرة مديناه
وسايب لينا المواجع
ياموج البحر يالى فوق
على الشط طالع
بلغ حبيبى منى لما تبقى
راجع
قوله صورتك مازالت
فى عيون الحبايب
وطيفك فى النوم
حاضنهم
حتى لو كنت غايب
وكمان مكتوب عليهم
ياخدوا من الصبر نايب
ولو كنت تحس بيهم
هتكون صوت القلب
سامع
يا موج البحر يالى
فوق على الشط
طالع
بلغ حبيبى منى
بتمنى يبقى راجع
يرجع لحضنى تانى
لوكان عايش عشانى
زى ماكنت سامع كلامه
لما قالى
وعليا كان بيبكى من
عينه بالمجامع
ياموج البحر يالى
فوق على الشط طالع
بلغ حبيبى منى
معدش عندى مانع
يساعدنى لو هيقدر
وجميله يبقى صانع
انا كنت زمان بعارض
وضد التيار بصارع
بس الحب آمرنى انى
أبقى طايع
ولازم انى أنفذ
لايفكرنى بايع
ياموج البحر يالى
فوق على الشط
طالع
بلغ حبيبى منى مليش
انا فى الخدايع
من إبداعات
الشاعر
طه الروبى
ليست هناك تعليقات:
إرسال تعليق