الساقيه
يا ساقيه لفي ودوري
أروي النخيل وخضري
البورٍ
أطعمي الفقير وأشبعي
الحضورٍ
مصر القويه تتحدي
العصورٍ
يا ساقيه لفي ولفي تاني
مصر محبوبتي بنيلها
وحشاني
من غربتي ليها غرامي
يا معشوقتي ليكٍ سلامي
يا ساقيه لفي ولفي ولفي
أروي أرضنا وأوعي تكفي
خلي خيرها يملأ كفي
بالخير يا ساقيه علينا لفي
يا ساقيه لفي وتعالى جانبي
أشكيلك ع إللي شايله ف قلبي
شايف غلابه هنا قربي
راحت وتركتهم البسمه وخايف
ينسوا مصر حبي
مصر جميلتي وعشقها ملء قلبي
نورها منور لي دربي
ومين غيرها يستاهل حبي
يا ساقيه لفي وكمان غني
ماتقسيش علي الغبان وعليه
رقي وحني
أمتي يا ساقيه يتحقق حلمي
وبور العقول والفقر تنهي
يا ساقيه امتي بحب مصر
الكل يشعر ويغني
يا ساقيه لفي فوق النجوع
والكفور
خضريها ونوري العقول
نوري اللي ضلم من عصور
ليه العلم مبقاش نور
والجهل عم الحضور
يا ساقيه عليهم حني
يا ساقيه لفي كل بلادي
من أسوان لأسكندريه
وعمي الوادي
يا ساقيه بمحنه لفي
وخلي مصرنا جنه
وحشتنا الضحكه الحلوه
يا ساقيه لفي ودوري
أروي النخيل وخضري البورٍ
كلمات إندرو فرج
ليست هناك تعليقات:
إرسال تعليق