محال أنساك
محال أنساك وانت الروح وجوا العين
عيونك فيها حلم الريد بفتش فيهو ليا سنين
غناوي الريد ولهيب حبك في دواخلي سكن
كيف أنساك وفي ظلال حسنك رسمت أجمل وطن
ملامحك الشاربة موية النيل مليانة حب وحنين
عذوبة صوتك تسحر فؤادي وكل من شافك
قال عليك أنت ملاك ولا من الحور العين
روعة طلتك زي الصباح الباهي وزي بسمة
زهور إتفتحت لما الشمس شرقت
وروعة قوامك تشبه طلة الأعياد زي
حلم جميل ليهو كل الحسان إنتظرت
بسماتك تضئ عتمة الليل الطويل زي
القمر في اكتمالو بيهو النجوم إتزينت
كلماتك نظم الدرر تشفي العليل المشتاق
للعافية وتنسى الجراح الليها زمن
أصلو الجمال أخد من محسانك
ويزهو الكون من بريق لونك وروعتك
محال أنساك ياربيع العمر ويكفي أعيش
علي ذكراك واسطر أجمل اللحظات لأني
أعشق دنيتك.
حبك خالد مع الزمان لابتغير ولابتبدل
زي الحقائق الكونية الثابتة علي مر الزمن
وحتي لو كان قلبك مشغول بسواي حفضل
أحبك واسجل في درب الغرام أحلي شجن.
بقلمي د. جديا أحمد
ليست هناك تعليقات:
إرسال تعليق