دعاء الشعوب العربية
في وقفة عرفات
9 ذو الحجة 1438
( تلك أدعية من القلب ، يدعوها كل شعب حسب ضميره ونيته وما يعانيه من حاكمه ، لا نقصد فيها أبداً السخرية من أحد ، فكلنا أمة عربية واحدة آمالنا واحدة وهمنا واحد ، ومصائبنا واحدة !!)
كلمات / أحمد عبد اللطيف النجار
شاعر عربي
&& دعاء الشعب السوري المنكوب .......
ما لنا غيرك يا الله !!
ما لنا غيرك يا الله !!
ما لنا غيرك يا الله !!
ما لنا غيرك يا الله !!
ما لنا غيرك يا الله !!
ضاع الشعب العربي وتاه
حكامنا مشغولة بجاه ....
وشعوبنا العربية حزينة
ماتت علي قيد الحياة !!
يا الله يا الله يا الله ..
يا الله يا الله يا الله ...
يا الله يا الله يا الله ...
العربي قد ضل خطاه ...
العربي يقتل في أخاه ...
العربي يُذبح كالشاة ...!
وعروبتنا تبكي شرفاً ...
ووطناً ضاعت ذكراه ..!!
وطناً ضاعت ذكراه ..!
ــــــــــــــــــــــــــــــــــــــــــــــــــــــــــــــ
&& دعاء الشعب الليبي الضائع .....
ضاعت ليبيا يا رب أغثنا
ضاعت وحدتنا ، أتفرقنا
ألقذافي كان يحكمنا ...
بعصابته الثورية سرقنا
الله يلعن سيرته وذاته
يا ما ضحكنا .....
كتير في حياته ..
علي هبله وعبطه ..
وخرافاته !!
يا رب اهدي حكامنا ...
يتفقوا ، يكونوا متحدين
إحنا يأسنا من فرقتهم
واختلافهم كالشياطين
ابعث فينا إله الكون
فارس مثل صلاح الدين
ارحم ليبيا يا رب أغثها
من إرهاب تجار الدين
اللي جعلوا بلادنا ساحة
لأوغاد إرهابيين !!
لأوغاد إرهابيين !!!
ــــــــــــــــــــــــــــــــــــــــــــــــــــــــــــــــــــ
&& دعاء الشعب اليمني الشهيد ......
ارحمنا يا رب بعدلك
من شبيحة حوثيين
خطفوا بلادنا في لحظة غدر
قالوا إحنا حرّاس الدين
شوفنا أشكالهم العِكرة
خلتنا نكرههم ملاعين
والشاويش عليّ حالفهم
ابن الخاين والخاينين
أصله قليل الأصل جبان
خدع أخوتنا السعوديين
اقصف عمره يا جبار
في غمضة عين ...
أو ضي نهار !
شايفين بلادنا تنهار
عشان حكمنا حمار
اتحالف ويا الكفار
ولا همه أهل أو دار
يا رب نشوفه في جهنم
ومعاه الحوثيين في النار !
ــــــــــــــــــــــــــــــــــــــــــــــــــــــــــــــــــــــ
&& دعاء الشعب السوداني المتعوس برئيسه ...
يا رب يرحل عنا رئيسنا ...
اللي سرقنا في لقمة عيشنا ...
واللي بيحارب في أخواتنا ...
ويقول إن الحرب حياتنا ...!
قسم السودان نصفين ....
كسر فينا روحنا و ذاتنا !!
فرّق بين أبناء الوادي ...
وفي أحقاده كانت وكستنا !
يحقد ليه علي أم الدنيا .؟!
ياما عيشنا فيها وبيتنا !
عايش هربان من ذاته ..
وبسببه عايشين خيبتنا !!
بسببه عايشين خيبتنا !!!!
ــــــــــــــــــــــــــــــــــــــــــــــــــــــــــــــــــــ
&& دعاء الشعب السعودي ، شعب الحرمين الشريفين .......
احفظ يا رب كعبتنا
بارك يا الله قبلتنا
في يوم عرفه ثبّتنا
إسلامنا هو ذاتنا
عقيدتنا هي حياتنا
احفظ يا رب حكامنا
انصرهم علي يمني ...
ظلمنا !
اتحالف مع حوثيين
أوغاد إرهابيين
عايزين بلاد الحرمين
تبقي مأوى للشياطين
مستحيل نفضل ساكتين
لازم نلعنهم في صدورنا
في غيابنا وكمان ...
في حضورنا
من يومنا ليوم الدين
من يومنا ليوم الدين !
ــــــــــــــــــــــــــــــــــــــــــــــــــــــــــــــــــــــــ
&& دعاء الشعب العراقي الحزين .....
احفظ يا رب عزتنا
ضاعت عراقنا وفاتتنا
اتشردنا في الأوطان
رمل فراتنا علينا هان
الكل في وطننا خان !
والله ما عاد فيه أمان
مات فيه مليون انسان
عشش فيه إرهابي جبان
احتل أراضينا بسهولة
زي ما عملنا إحنا زمان
واغتصبنا بيت الجيران
حكمة حلوة قالوها زمان
افعل ما شئت ...
كما تدين تُدان
كما تدين تُدان !!
ــــــــــــــــــــــــــــــــــــــــــــــــــــــــــــــــــــــــ
&& دعاء الشعب التونسي ، شعب البوعزيزي ...
يا رب بلاد الحرمين
غضبك علي زين العابدين
اللي سرق التونسي وقال له :
يا بطة آكلك منين ...؟!!
عشنا عهده كله سواد
ظلم الشعب ، ظلمه زاد
دستوره كان استبداد
وعشان أصله هوا حرامي
كان يسرق شعبه ويحامي
الناس قالت أحلي محامي
وزوجته ليلي وعصابتها ..
قالوا تونس بلد نامي
نسرقه بالذوق ، بالعافية ..
شعبها بارد و مش حامي !
راضي في خضوعه وجميل
متعلم ، يفهم في كلامي
حدوتة زين العابدين طويلة
ها استكملها في أحلامي !!
ـــــــــــــــــــــــــــــــــــــــــــــــــــــــــــــــــــــــــ
&& دعاء الشعب المصري العظيم ، شعب الثورتين في زمن قياسي !!
صلوا علي الهادي المختار
ادعوا المولي الغفار
أم الدنيا يا رب احفظها
من كل حاقد غدار
الحاقدين حوالينا كتير
كارهين أم الدنيا ويا ما
اتغطوا في دارها بحرير !
أكلوا معانا عيش وملحة
بوشوشهم العِكرة الكالحة
وقلوبهم حاقدة وتغير !!
أم الدنيا ، مصر الدنيا ...
احفظها يا رب وصون
هيا ضي العين والروح
ازاي بس الروح تهون ؟!
ارحم يا رب أمتنا
ابعد يا الله سكتنا ..
عن إرهابي أو مجنون !
عن إرهابي أو مجنون !
عن إرهابي أو مجنون !!
ــــــــــــــــــــــــــــــــــــــــــــــــــــــــــــــــــــــــــــــ
&& دعاء الشعب القطري الرهين ...
عيني عليكي يا قطرية ..
أميرك عياره خفيف ..!
مش عارف عامل مجنون ..
أو صاحب حكمة وظريف ..!
حتي وزير خارجيته عجيب ..
خايب مش عارف تصريف ..!
يقول دي قطرية حبيبتي ...
والإرهابي فيها أليف ...
نعلف فيه مع باقي إخوانه ...
في الدوحة عايشين حلاليف !
ونقول للعرب حاصرونا ....
والله حصاركم ما هو مخيف !
ماما أمريكا في أحضاني ...
معاها تبقي حياتكم خريف !!
معاها تبقي حياتكم خريف !!!
ــــــــــــــــــــــــــــــــــــــــــــــــــــــــــــــــــــــــــــــــ
&& دعاء الشعب الفلسطيني ...
يا رب العزة والجود ...
ارحم شعبنا من...
غدر يهود....
احتلوا أراضينا..
حرقوا زيتون ...
ذبحوا جدود !!
هانت كرامتنا العربية ....
ماتت في نفوسنا الحرية...
شعبنا مقهور علي الحدود ..
جامعتنا العربية عاجزة ...
تبقي جامعة عاجزين !
الصهاينة كلابهم ...
نهشت لحمنا ...
وإحنا ميتين !!
ما لنا غيرك يا معين ....
العرب ضاعت شعوبهم....
وإحنا من زمان ضايعين !
الزمن قاسي علينا ..
صار العرب قاسيين !
الصهاينة كلب أجرب ...
شاف دواه في فلسطين !
قلبنا يبكي دموع ....
علي مسجد أقصى سجين
كبلوه الكلاب بالكلاب ..
نجسّوه المنجوسين !!
جامعتنا العربية نايمة ....
وعواجيز الفرح نايمين !
لو شاورت أمريكا لهم ..
يحلفوا لها باليمين ....
إنهم مش مسلمين !!
لأجل يرضى الأمريكان ..
ويحكمونا مرتاحين !!
شوفتوا تفكير اليهود....
لأجل نبقي متفرقين !
والعربي يقتل أخوه ....
ويدفن راسه في الطين !
ارحمنا يا رب الكون ...
أغثنا بصلاح الدين ....
لما الدنيا تهون...
في عينينا ..
لما يقولوا الحق علينا ...
ليه تبقوا فدائيين ؟!!
أصبح زمن العرب خيانة ....
والعربي حياته مهانة ....
الدنيا بحالها نسيانا !!
ضاع الحلم العربي ..
وضاعت .....
أحلام عاشت جوانا ...
أحلام عاشت جوانا ....
أحلام عاشت جوانا !!
ــــــــــــــــــــــــــــــــــــــــــــــــــــــــــــــــــــــــــــــــ
أحمد عبد اللطيف النجار
شاعر عربي
ليست هناك تعليقات:
إرسال تعليق