أنا العيد. ....
ايوا مين عبدق الباب... ؟
انا العيد...
نعم شو بتريد...؟
انا العيد ...عيد...الأضحى !
اي عرفتك ...بس شو بتريد..؟
جاي افرح الاطفال والشباب ..
والاهل والخلان
واجمعهم على سفرة واحدة
وألمهم عالمحبة يزوروا بعضهم.
هاهاها...شو عبتقول...؟
ليش لسا في اطفال بتعرف تفرح وتضحك ..
ولاشباب بقدومك تسر وتسعد...
ولا اهل اوخلان اوجيران يزوروا بعض..؟
لكن وينهم...؟
ياحرام اديشك غشيم كانك
مابتعرف
اديش قتل واستشهد ناس ..
وتصاوب وانجرح ناس..
وكم تيتم وانفقد ناس...
كم مخطوف وسجين واسير...
غير اللي هاجر وسافر ونزح...
ااااه ياعيد...
ااااه ياعيد...
كل سنة قدومك عبكون معه
الحزن والجرح اكبر واعمق...
ومابقى سعادة ولا فرح.
طيب انا شو ذنبي...؟.
اناجاي ومعي الهنا والفرح ..
والعاب وحلويات للاطفال...
معي المحبة والالفة..
المسامحة والعفو بين الاهل
والخلان والجيران.
لا ياعيد...
هداياك وعطاياك ماعاد الها نفع ولامكان..
بعد ماتحطمت معنوياتنا وتكسرت نفوسنا..
وتهدمت ببوتنا وتدمرت...
بعد ما افترقنا اما بالموت اوالسجن
او بالغربة والهجران.
لأ ياعيد لا تبكي علينا امسح دموعك...
ووعدنا ترجع لنا من جديد بتوب جديد
بعدان يفرجها الله علينا ويريد
عبدالمنعم طويل
ليست هناك تعليقات:
إرسال تعليق