.....انا قصه مات كاتبها......
اللى ماعرفتهوش
انى حلمى كان رخيص
بس التمن مادفعتهوش
قدمونى للمحاكمه
يمكن معرفتش احلم
ولا عقلى كان مخدر
يللى صالب ع الجدار
أفكار حره ومعافره
مسيرك يوم تتألم
ومن ظلمك هتتعلم
وتبقى يوم ذكرى
ورسالتك هتتكلم
غلبت لوم وبنادى
انا حلمى مش عادى
وصرخة طفل يتألم
على بكره ومش راضى
ومين ناسج الطرحه
لعروسه هاجرها توب فرحه
مفيش سجان بيتحنن
على مظلوم فى ترباسه
ولا حاكم على الجانى
حكم دين بقوانينه
واتفصلت مزاهيره
فتاوى ربنا يزيده
وخلخالك يامحروسه
كان وصفه قويه مدروسه
كفايه نبش فى الماضى
دا الحاضر شاهد ومتراضى
وأقولك أه ياكبايه
سقونى الكاس بقيت أيه
وبتعلم ومش رافض
وعلى حلمى انا رابض
وكلمة حق تتكرر
ربى نصير و هيقرر
ودعوة مظلوم تتصدر
لرب العرش ويقدر
ياسامعنى وقارينى
انا ناطق مواويلى
عازف بوترى ألحانى
مسيرى يوم أعود تانى
مسيرى يوم أعود تانى
.....بقلمى عماد شكرى حجازى.......
ليست هناك تعليقات:
إرسال تعليق