إدتيني ياأمي خبرة سنينك
واقفة جنبي طول عمرك
تسنديني
حاسة بيا
وف كل لحظة بتسعديني
ف عز تعبك ياأمي
شوفت دمعك
سألتك ليه ياأمي بكاكي
قولتي من خوفك عليا لتتعبيني
أتعب ف إيه ياأمي
وإنتي طول عمرك بتخدميني
أحلي لبس
كنتي بإيديكي تخيطي
وتلبسيني
وتسرحيلي شعري
وتجمليني
وتسهري معايا ف حكاوي عشان تفرحيني
وف ووقت خوفي
ألاقيكي بأدفي حضن تحضنيني
وأما أتعب واللا أعيا
كان دعاكي هو اللي بيشفيني
وف مشاكلي كنتي بتحاولي
و بطريقتك كل شئ كان بيقدر يعديني وتفاديني
مهما قولت فيكي ياأمي
مش حأقدر أوفي
دي نظرة بس من عنيكي
كانت هي ليا بتكفي
إنك راضية عني وبتدعيلي
دعاكي ليا بركة
بيحفظني ويحميني
بقلمي عزة حزين
Azza Hozayen
ليست هناك تعليقات:
إرسال تعليق