رعشة حرف
الكلام كتير فيكي بس خايف
اوقع حلفان لحد للحق حالف
وعلي قدي باكتب حروف واعره
وبحازر في الخطا اعمي ماشايف
باطبش بايدي ورجلي وعكاز
خايف يا نضارتي عالفرجه لتلفاز
خايف اقول اه والناس دي تسمع
تجري حروفي ولخوفي دغري تنحاز
اعمل ايه قولوا وكل الحروف عاميه
اعمل ايه لحامي وسكنته مش حاميه
اعمل ايه لصمت الحروف عندي
وفوقها كل النقط بالالم داميه
اعمل ايه وكل النقط فوق الحروف
اعمل ايه وحتي العبط ف الدنيا خوف
اعمل ايه وكل البشر واقفين صفوف
علي جهلهم كل الادين داقين كفوف
ملعونه دي كلمه م الوجع
ولا عايزه تطلع
ملعون ودان من غير سمع
وحجاره تسمع
ملعون ياناس حتي الشبع
من غير ما نشبع
ملعون قلوب عارفه الجشع
والراس بترقع
ملعون دي كلمه جايه بطمع
ونفوس بتخدع
طفح مراري من وسع......والمر .....يفقع
ياسر مهدي عمرو
ليست هناك تعليقات:
إرسال تعليق