***الثورة**
إبني الوحيد
سابني ومات....
هو ليه الموت
بييجي من سكات....
فجأة تلاقي بحور دموع
والسماء تمطر آهات....
ممكن يكون هو ده
معني الشتات....
فجأة تلاقي
بستان زهور..
عمرك يضيع قدام
عينيك....
أشجار روتها بدم قلبك
تصبح رماد...
كان نايم بحضني يومها
كان بيبكي على الي فات...
فضل يبوس إيدي ورجلي..
ضل يحكي بالساعات...
قالي سامحيني يا أمي...
إني كنت شاب ضعيف
كل ما أحلم وأجري
أحقق حلمي
يطلع كأنه طيف...
أنا جوايه طموح قد الجبال...
بس فجأة تكون شوية رمال
كنا ننادي بأعلي صوت....
**ثورة رجال**..
وهما قالوا دول شوية عيال!!!!!!!
عيال خوارج ميعرافوش
معني القانون
عايزين رئيس زي الإله
كن ..... يكون
كنت يامه بأكل ربع رغيف
والتلفزيون يصور كأني
وأكل خروف....
كانوا يقولو عني
إني ضيف....
شاب ضعيف موجه وسط
الظروف..
بس يومها الثورة ماتت
يوم ما ضعنا بالميدان...
وعملنا ليها مآتم كبير
حضره الوزير وآلغفير
محمد المصري آل معالي
ليست هناك تعليقات:
إرسال تعليق