.....إحتساب....
رشيت الملح
فى عينين الولاد
والصبايا والبنات
الصغير والكبير
اصلك خلاص
مفيش حجاب
والأمر صورته
مرار وزهقت
كتر الإنتظار
شطك حصار
خيرك مسار
للحملجيه
مفعول مدار
والغلابه ع البيبان
خبطو قسوة نهار
والحكايه كل مادا
تثبيت كلام
والروايه كبت
جدا
اللجام قد المقاس
زى مايكون
عارفين ياناس
ان أه من ضلع طافح
المرار شاربان جحيم
والشموس حرت
ضنين
متمثلين زى العبيد
برواز مكافحة
للضمير
والأساور بالغباوه
اتسلسلت فوق القلوب
لجلى اللى نفسه
يسد نفسه
الشعوب متمسمرين
وحته منك ياللى ليا
أسف عليكى
ماكنت ليكى
مدفوع تمنى للغفير
خلاص خلصت
بقيت أسير
وشمس حرفى
جوه دار
تاه منها الانتصار
ودورى يلا يادايره دورى
ع اللى عبا كتير جفونى
حبر قلمى تاه ياناس
دوخوه ومفيش كراس
قلب سلم ليكه ظلمه
أصل حقه عند ربه
يوم وداير ع اللى طايل
بكره تقصر الجدايل
والحكايه تجيب حكايه
والكريم يسدل نهايه
بقلمى...عماد شكرى حجازى
ليست هناك تعليقات:
إرسال تعليق