*****ضباب التاريخ*****
نفسي أفهم أنت
ليه ديما كتوم
وجهك بيضحك
بس قلبك مليان هموم
تفضل سعات ترجع
تفكر في إلي فات
عمرك في يوم ما قدرت
تنسى الذكريات
الإسم أنك حته مني
بس أغرب حد عني
إبني وحبيبي عمري وقلبي
أنت تعرف يوم ميلادك
فضلت أضحك بالساعات
فضلت أزغرت
واجتمع كل البنات
نسيت همومي
وطويت آلامي والآهات
خلاص محيت من دنيتي إسم
****أم البنات*****
كنت بحلم كل يوم أشوفك وزير
كل الناس كانت تقول عنك أمير
إبني الوحيد ده كان شي عظيم
برغم صغر سنه كان حكيم
أصل أسمه نابع من إسم الكريم
ديما يحافظ على الحلال والحرام
كان بيعشق الإحترام
بيخاف من الحرام كأنه نار
ده كان يغار
كان يغار علي وطن صابه الدمار
أشباح ظلام فرضوا عليه الحصار
وطن ضاع وكل التاريخ كان هزار
بيوعدونا كل يوم !!!!
خلاص كرهنا الإنتظار
كنا بنحلم كل يوم وإحنا صغار
إن الوطن فيوم يثور
والثورة نار
ولما كبرنا وعملنا ثورة
طلعت شوية غبار
عمرك فيوم قدرت تجمع
مية ونار
زي مثلا يتسرق منك قرار
ثورة تتعمل بالليل عظيمه
وميطلعش عليها النهار
وبعد يومين يكون موضوع هزار
علمونا في المدارس أن النجاح
صبر وقرار
بس نسيوه يعلمونا إزاي نوصف
ظلم وحصار
:سيكتب التاريخ يوما أن الشعر كاهن جبان
جمع قطيع من الذئاب وقطيع من الخرفان
خلف سورا ناطحا للسماء وقد إدعى هذا الأمان
كل يوما تشريد وظلم والخريف غادرة منه الألوان.
محمد المصري آل معالي
ليست هناك تعليقات:
إرسال تعليق