حساب البنك شويه كتار
اخيرا كملوا تلاته جنيه
بس انا ليه ديما اندار
لما الناس بتنادي يا بيه
مش اول واحد جاله فلوس
ولا اول واحد طلع فيزه
قالوا عليا دا واد منوس
والفقر راكبنا لحد الجيزه
بس خلاص انا م الاعيان
عندي تلاته جنيه وبريزه
اقدر اجيب حبة خرفان
واربي فراخ جوه الحويزه
وابيع البيض تذكره للمترو
وابحت بير بترول ف النيل
فلوسي خلاص ف البنك وكترو
ما عدتش اكون للسلعه زليل
هالعب جوه البرصه واعيش
زاي نجوم السيما كمان
هادي جنيه للناس بقشيش
واسمع يندهوا دا الانسان
خلاص اهو عدا الفقر وزال
واقدر اجيب م الدسته عيال
اطلع واحد لعيب كوره
واطلع راجل للاعمال
وافتح مدرسه لصنايع
سورها يكون كدا عالي كبير
وقلل من حمل مراجع
سعرها يبقا من التوفير
وامسك فراش ع بابها
وقابل بسلام طلابها
وافتح بايديا كتابها
واعظم للشعب الجامد
واقف ببحارب وعده
عايش بجنيه علي قده
واكل عدس ومين قده
وبعد الاكل بيشكر . حامد
عمره مكان ولا يوم مذلول
صايم واكل مش بيقول
عامل سفره باكلة فول
ولا يحكموا ابدا واحد فاسد
طيب جدا شعب بلدنا
ولا عمروش بيهين ف ولادنا
حتي ابو هول من صنع اجدادنا
حارث رمل وديما صامد
اسألوا رمسيس من الجاحد
واسألوا مينا ازاي كان واحد
جمع ناس علي ناس تتواعد
وعاشوا ف حب وخير وسلام
كانوا بيزعوا خير ف قلوبهم
كانوا يداروا لبعض عيبهم
كان العالم يجي يزورهم
بجروا يطروا الف حمام
فين دا الوقت ف عصر الايزي
نمدح خاين اسمه عزيزي
ليه يا بلدنا ف ناس بتغيظي
وممنوع فيكي اي كلام
ياسر مهدي عمرو
ليست هناك تعليقات:
إرسال تعليق