لو تقوللي ليه بس عاصي عاالكتابه ياقلم
جايزعشان زمان كتبتله بحبك تاعبك الندم
ومش هاين عليك تحكي حكايتنا مع الألم
صعبان عليك حالي لما صحاني من الحلم
أمال أناأعمل ايه اللي كنت عايشاه علم
مابين يوم وليله راح وفاتلي قلب إنظلم
خلى قلبي في عز الشباب شاب وهرم
فاتنا وكمان لاهان عليه يودعنا ولاسلم
دا إحنا كنا لما نفرح البسمه بينا تنقسم
جانايوم سكنا الألم وإتحرم علينا نبتسم
بقولك ايه إللي نسينا ننساه بلاه وشم
شدحيلك دول كلمتين والحكايه تنحسم
كفاياك حنيه وإكتب بكل ما فيا من ألم
اناقلبي إللي اشتراه بعمره تاب وندم
حط ما بيني وبين الحب حجاب و قسم
إكتب نهايةحكاية التايبه وبلاش الإسم
#جمال_نصر
ليست هناك تعليقات:
إرسال تعليق