الشاعر حسن محمد خليل
مشتاق لقلب فى حنان الام
ةةةةةةةةة ةةةةةةةةة
مشتاق لحضن يضم
لقلب فى حنان الام
يحضن فيه ويلم
وتبتسميلى ياسنين
مشتاق لنهار
ألقى قلب كله خضار
يملى عليه الدار
بحب وحنين
مشتاق كتير لحنيتوا
يرؤينى حنان بانسانيتوا
يدوبنى فيه وف دنيتوا
وينسينى الانين
اعيش معاه وافرح
ويكونلى فى قلبوا مطرح
احبه ليل ونهار واسرح
فى عنيه الحلوين
اعشق انينوا وصمتوا
قلبي من قبل ميتكلم حسوا
اتهنى بيه وبهمسوا
عايشين بقلب واحد مش قلبين
عايشين مع بعض طايرين فى السما
فى اى ارض حياتنا هنا
بحلو ومر روحنا متبسمة
عاشقين دايبين
المهندس حسن خليل
ليست هناك تعليقات:
إرسال تعليق