إلا قوللى قبل ماانسى
جيبت اخرك ولا لسه
نفسى ازود كمان شوية
بس انت صعبان عليا
ياللى كنت نور عينيه
وكنت عامل عشانى هوسة
أوعى يوم تقول كفاية
خلاص تعبت من الجباية
هتعيش سنين مرار معايه
هو انت شوفت حاجة لسه ؟؟
أنا لسه هزود عليك ضرايب
وياما هحط عليك مصايب
وارجعك عصر الركايب
والرغيف يكفى خمسه
هتعيش فى مصر حزين ياجارى
مبقاش خلاص نيلها جارى
وبكره تشرب من المجارى
وماسمعش منك ولا حتي همسة
بكره تطبخ ع الكانون
ويجيك السقا بالجالون
وراح نجيبك لو فين تكون
هتيجى يابنى بنص عسة
فمتحاولش تعيش بطولة
راح خلاص زمن الرجولة
بيع ضميرك وخد عمولة
دالخلق يابنى بالقهر حاسه
مجدى زيادة.
ليست هناك تعليقات:
إرسال تعليق