خلف النوافذ والببان
حكايات كتير
وكل حكاية محتاجة وقت
للشرح والتفصيل
إللى مستنى الحبيب
واللى عايش دور طبيب
واللى مشاعره عايشه حالة
من التخدير
واللى بيحلم وحلمه جوا
منوا كبير
واللى جواه انكسر قلبه
ومش لاقى للحصل تفسير
واللى عايش فى زمن غير
الزمن
وماشى كتير مشاوير
واللى عايش على ذكرى
كان ليها معاه تأثير
واللى بيفكر يجرب
وعايز يعيش الهوى
من غير جناحات ويطير
واللى بيعتب على زمنه
وراسم على الجدار تصاوير
وكل صورة ليها ذكرى
بتساعده على التفكير
واللى فى حد انخدع
واتنكر ليه الجميل والخير
من إبداعات
الشاعر
طه الروبى
ليست هناك تعليقات:
إرسال تعليق