خدي الحروف من الحنين
اللي ساكن جوه عيني
وانطقي الحرف بشفايفك
مشتاق لصوتك سمعيني
لو تعرفي معاني الحروف
مع كل حرف هتحضنيني
الحب انتي والعشق انتي
بين كل حضن هتوحشيني
خدي الحروف من الحنين
اللي ساكن جوه عيني
واحكي عن صورتي في عيونك
بكلمه منهم اوصفيني
ان قولتي حرف او قولتي وصف
انا قولته عنك صدقيني
خدي الحروف من الحنين
اللي ساكن جوه عيني
وإبعتي وردك وعطرك
مع كل ورده اوعديني
كل الكلام اللي ف عيونك
حرف حرف تسمعيني
مش كل مره اطلبها منك
وانتي بسكاتك توجعيني
علاء رجب
ليست هناك تعليقات:
إرسال تعليق