#حب_قديم
عمل غنائى
------
------
ومين فينا مفيش جواه
حب قديم عمره ما مات
بيفتكرو وبيعيش معاه
احلى احلى الذكريات
-------
ومين فينا مبيئنش
ومين فينا مبيحنش
لليله واحده من هواه
------
ومين قمره مهوش سهران
وفى ليله عايش حيران
على شئ عايش جواه
------
كفايا يا عين بكا ودموع
على اللى عليا بقى ممنوع
ويا قلبى ارتاح وعيش
وانسى بقى كل الموضوع
------
انسى اذاى انا مش قادر
كله ساكنى عالأخر
حبى القديم يا نور عينى
كل ما فيا ليك فاكر
------
احلى سنين قضيتها معاه
واللى جاى هعيشه وياه
هعيشه فى خيالى وانا راضى
المهم يلقانى وألقاه
------
ومين فينا مفيش جواه
حب قديم عمره ما مات
بيفتكرو ويعيش معاه
احلى احلى الذكريات
------------
-----------
#حب_قديم
عمل غنائى
حسن محمد على
ليست هناك تعليقات:
إرسال تعليق