وجعتي قلبي وضحكتي في يوم وداعك
ونسيتي انه مركبك ضحكتك برك امانك
كسرتي قلبي بقسوتك ... هو إمتى خانك
ده كان سفينة دنيتك ..دَفتك ..وعليه شراعك
عملتي من قلبي سفينه وحبي كانلك العتاد
تحلمي واحلم معاكي والقا نفسي سندباد
تاخدني نظره من عيونك جوه بحر الأمنيات
الشمس اشوفك والقمر دلوقت صبحت ذكريات
وجعتي قلبي وضحكتي ..اهو قلبي مااااات
والضحكه تطلع من وجع على عمر فات
كنت شايفك دنيتي وجنتي واحلى البنات
وعيوني تعشق نظرتك ابتسم لك بالساعات
مره اشوفك واسمعك ومره ارسم من سكات
اوصف واكتب في الغزل تبشريني بالثبات
وجعتي قلبي وضحكتي في يوم الوداع
وبقيت بعاني وحدتي في مدن الضياع
وقلبي اصبح مركبه ملهاش شراع
وجعتي قلبي وضحكتي في يوم الوداع
علاء رجب
ليست هناك تعليقات:
إرسال تعليق