اياك تغرك السعاده
ولا سكرها الزياده
ساعتها هقول
انك عبيط
او تقول عليها ساده
ناس بتحضن فى الوساده
خلاص عنديها عاده
هو صحيح الحياه بتجرح
بس فيها حاجات تفرح
وناس بتقتل بالبلاده
لما يوم تحس انك
اديتها كل حاجه
ساعتها مش هتلاقيها
تكون خلاص بعيده عنك
هتلاقى نفسك عليك بتضحك
وانت لسه شاربها ساده
بعد ماكان واهمك
انه حبيبك وانه حسك
وانت معاه تنبح فى حسك
فتحت قلبك ليه وطلعت
كل شئ كان يخصك
واتاريه عمال يغشك
بس الضحكه تكون فى وشك
والطعن شغال فى ضهرك
وانت جبت معاه لاخرك
لحد لما بقيت عبيط
كنت سايب له مشاعرك
يعزف الالحان عليها
يرسم عليك دنيا حلوه
وهو كان عليك يشخبط
وانت مابتشوفش نفسك
اللى كان يضحك عليها
الشاعر/عزالدين جبريل
ليست هناك تعليقات:
إرسال تعليق