خلص الكلام بينا
إنتهى
وفر دموعك فات وقتها
فى إللى حصل انت السبب
يبقى ليه اللوم والعتب
بيدك النهاية بدرى كتبتها
خلص الكلام بينا
إنتهى
معدش ليه لزوم الندم
لا هينفع ولا هيفيد
وصعب تانى نرجع من جديد
والقلوب ترجع تخاف على
بعضها
خلص الكلام بينا
إنتهى
معدش ليه لزوم البكا
ورغبتك أنا احترمتها
معدش ينفع تكون
يدك فى يدى متشبكه
الحاجات دى كانت زمان
وقت الود وقت الحنان
وحاجات كتير بلاش أعدها
خلص الكلام بينا
إنتهى
لا تقولى صلح ولا سلام
مش كل القلوب زى بعضها
فيه قلوب ممكن تسامح
وقلوب تانى كرامتها أهم
من كل شيئ عندها
خلص الكلام بينا
إنتهى
والحكاية قلبى فضها
وقلبى مليش عليه سيطرة
ورغبته صعب اجى جنبها
خلص الكلام بينا
إنتهى
ياريت بلاش تبعت رسايل
كلمتك انت مسؤل عنها
ليه تخلينى الذنب شايل
كل نفس عليها وزرها
خلص الكلام بينا
إنتهى
من إبداعات
الشاعر
طه الروبى
ليست هناك تعليقات:
إرسال تعليق