لماهان الكرام فينا على ولاد اللئيمه
كنا بقيم وأخلاق بقينا بسحنه سقيمه
جانا اليوم ضاعت فينا القيم والقيمه
بعد ماكنا البيت وعيله وبلمه حميمه
الشاب بكبيره وبيبوس إيده الكريمه
بيحمي جارته وحارته والنيه سليمه
دي تهدي جارتها مش وجبنه قديمه
ودي ترد لها الصينيه وعليها وليمه
لما كانت الزفه تلف حارتنا القديمه
بحاوي وعاملي فيها شجيع السيما
الله هاالجبنه القريش ياخاله حليمه
الفسحه أكلة بطاطا عالنيل بنسيمه
وبقرطاسين ترمس وحمص للحبيبه
عسليه وحرانكش وعجميه وبسيمه
ويضيق الحال نشد عالبطن تحزيمه
ياريت ياأيام تعودي بالخير ونعيمه
ايام ماكنا بنجيب طبق فول بقرش
وبجنيه خضار ولحمه بنملا الكرش
نخطب البنت والعريس ماينقهرش
بألف جنيه بنزفها و بيتها بينفرش
وراضيين بقليله والخير مايتنكرش
وكنا نخبط عالجار يفتح مابيسالش
لا آنت مين ولا ليه ورمله تنفرش
الجار للجار باب مفتوح ماينقفلش
إزاي الغريب ف دارنا ماينكرمش
و غايبنا حاضر وعياله ماتنحرمش
بتحرسهم عين مايغمض لها رمش
حارتنا في أمان غفيرها ماينامش
لما كنا لبعضنا ستر وغطا وفرش
أخويا بيحك جلدي ولو مشاورتش
ادينا إتقهرنا الغم والهم مايتلمش
بقينا لومعاك قرش تسوى قرش
حكاية الأمم إلأخلاق ما تنضمنش
#جمال_نصر
ليست هناك تعليقات:
إرسال تعليق