الاشول يكتب الان بدون رتوش وزواق
** رباعيات ** كلمات **
العمدة ***** الشاعر
سيد الاشول ابو بلال
🌹✍️👏👹😍🤲💕🤛🤜✍️🌹
-------- رباعيات رقم 13 -----------
** نبراس ** الحكمة **
نفسي تكون مع الناس صريح
مش كلامنجي كلامه كما الريح
ما يسيب أي حد الا بيتألم جريح
باكي بدمع العين وما يبطل نويح
--------------- عجبي ---------------
** نبراس ** الحكمة **
كلمة وخدها مني حكمة مهمة
خليك رجل والغلط لاء مع اللمة
عيش دايما كما العود وسط جزمة
أوعاك في يوم تكون ملكش لازمة
-------------- عجبي ----------------
** نبراس ** الحكمة **
خليك دائما أنسان نافع مفيد
أعمل بالصحيح شيئ جديد
خلي كل شخص معاك سعيد
أعمل الخيرللكل بهمة و زيد
------------- عجبي -----------------
** نبراس ** الحكمة **
يا أبن أدم مسيرك يوم للهلاك
مهما مالك أسعدك والعمرغناك
راح تمشي من الدنيا ما حد معاك
وحدك تتحاسب وما في حد سواك
------------- عجبي -----------------
** نبراس ** الحكمة **
ساعي البريد بيوصل الرسايل
رغم كده حظه في الحياه مايل
مع أنه لآسرار الناس كلها شايل
ما هو دايما له علي الخلق جمايل
------------ عجبي ------------------
** نبراس ** الحكمة **
خلي هواك دايما مع العباد طيابي
ريح خفيف علي مراكب كل أحبابي
نفسي يفتكروك يوم بالخيرفي غيابي
طول عمرهم أخواني من أيام شبابي
------------- عجبي -----------------
** نبراس ** الحكمة **
ما يهمنيش في يوم كلام الناس
اصلي طول عمري كما النبراس
وحب الخلايق ده له عندي أساس
وهو ده من جمال ونعمة الاحساس
------------- عجبي -----------------
** نبراس ** الحكمة **
فضلت صابر يا خلق علي البشر
وصبري ما يوم هزمهم أوأنتصر
خلي كل ندل خسيس زاد بالشر
سرقوني ما خلوا حيلتي حتة ذفر
------------- عجبي -----------------
** نبراس ** الحكمة **
هات الورد وأهدي بيه كل أحبابك
بس أوعاك في أي يوم تغلق أبوابك
لابد تسجلهم دائما وتحطهم بحسابك
تلقاهم علي طول متجمعينب بأعتابك
------------ عجبي ------------------
** نبراس ** الحكمة **
يا اللي تصنع الشر بين الناس
طب ليه ما تكنش أنسان حساس
هوأنت ليه غاوي ماشي الوسواس
ديه حياتك في الدنيا مجموعة أنفاس
------------ عجبي -----------------
تمت بحمد الله
اليوم الاربعاء 2 محرم 1440 هجرية
الموافق 12 - 9 - 2018 ميلادية
العمدة ***** الشاعر
سيد الاشول ابو بلال
ليست هناك تعليقات:
إرسال تعليق