إزاي وليه تقول نسيتك أناإزاي أنساك
طب دا روحي فيك وقلبي نبضه معاك
إنت نور عيني وقلبي بشوقه بيستناك
لما تبقى معايا احن اليك واحلم بلؤاك
توحشني وانت بتتنفس هواياوياهواك
واشتاقلك وانا عايش ف قلبك وجواك
وانت معايا توحشني يوحشني صوتك
وبيطول عليا غيابك توحشني صورتك
صدقني لما توحشني باشتاق لغيرتك
بتبص بس حواليك ياروحي اغير عليك
آغير من حضن جفونك لتكحيلة عينيك
و من أحمر شفايفك و من حنة إيديك
وباغير من ورد انا زارعه على خديك
طيب دا انت ليا الدنيا باطوف حواليك
باخاف عليك من نسمة هوا وبآداديك
بذمتك بعد كل دا جاي بتقول ناسيك
إن نسيتك الاقي قلبي سابني يجيك
ان يوم تغيب عني مابقدرش اجاريك
وأسابق الزمن قبل المواعيد أوافيك
أوتجيني اسعدك وفي قلبي اداريك
اخليك تعيش في عين حبيبك وأهنيك
#جمال_نصر
ليست هناك تعليقات:
إرسال تعليق