(كان نفسى أكبر)
أيام زمان...
كانت همومي اد سني صغيره...
كوره جديده
وعَجَله بجادون مسطره...
أيام زمان...
كانت حياتي ملونه...
عيل شقى..
تنطيط ولعب وشيطنه...
دار الزمان...
وخلاص أنا... مبقتش أنا...
كبرت همومي...
واتغيرت مقاسات هدومي...
مبقتش الاقي الراحه حتى في عز نومي...
فين الصحاب والذكريات؟ ...
حبة صور جوه حكايات...
أيام جميله يارتها دامت
يارتني ماحلمت إني اكبر..
يارتني ماتمردت يوم على عودي لخضر...
يارتني ماحلمت إني أطول الشمس بكفوفي
كان حلم أغبر...
يارتني ماحلمت إني اشب..
يارتني ماتعلمت أحب..
يارتني مسمعتش كلامهم
لما قالولي في يوم ح تفرج
بس انت اصبر...
يارتني بس..
ارجع في يوم عيل صغير
واحلفلكم... اني مقولش في يوم خلاص
أنا نفسي أكبر...
سامح نصر
ليست هناك تعليقات:
إرسال تعليق