(اخر وكت)
شعر عارف شلش الساعدي
شمال الوادم اتتخبل تصيح
وكثرة اهواي صارت بالملايين
واحد يضحك اعلى الثاني انشوف
وحب اخر وكت لبعلم لادين
اوين الاختيار اتعاشرة اتريد
وقسمة التحچي الكل زين موزين
وكثر ذاك الطلاق اوسافر ابعيد
ولايعرف حرام وحبلك الشين (شياطين)
وتگلي انه احبك يابعد روحي
وماشايف شخص عاشگله اثنين
نوبه اوياي يمي وساعة وياه
ويغازلني على ابسكته وداير العين
ويناديني على الحاسوب باسلوب
ورصيد ايريد مني تالي بعدين
على النت گمنه نحچي نخلص اليل
اطلعت مغرور بيه اگظيت لسنين
بس دار الوجه خابرله حاچاه
واغربل بيه يلعب على الحبلين
ناس اطب عليك بذيچ الاسماء
اولد صاير بنت ايغازل نساوين
وشفت ذيچ البنات التطلب المال
وعلى كل صفحة اتغير العناوين
گلي شلون دنيا ابهل وكت هاذ
واليحچي اويه نفسه ايهز باليدين
وعصر الجاهليه ايغير الافكار
بناس الطيبه مابين الدواوين
واليصلح يريد المال هاليوم
اوين الگه بعد لليصلح ذات البين
تعبي ابجيبه يمشي اوياك ويروح
وعلى حساب الفقاره وهالمساكين
وطلايب هالعشاير بكثره وتزيد
وذاك الجاع باقي ابلايه تعيين
شمال الوادم اتتخبل اتصيح
وكثره اهواي صارت بالملايين
ليست هناك تعليقات:
إرسال تعليق