أهى دنيا و السلام
*************
اهى دنيا و السلام فيها
ناس لا بتعرف تحب و لا بتبطل كلام
و ناس فى الدنيا تايهـــة وعايشة والسلام
و ناس تضحك... و ناس تبكى من كتر الالم
ناس تاخد
و ناس تعطى
من غير حتى كلام
و ناس ملهمش لون
و ناس..... بألف لون
ناس دهب
وناس فضة
وناس نـــور
وناس ضلمة
وناس طيبة
وناس ظلمة
وناس عايشة فى قصور
و ناس ساكنة فى قبـــور
وناس مش لاقية رغيف العيش
و لا لاقية حتى حتة تنام
واهى دنيا مسرحية و ماشية والسلام
ماهى دنيا والسلام.
***********
احمد هانى نزار
ليست هناك تعليقات:
إرسال تعليق