يالى بتفكروا يوم
تتغربوا
نصيحة خدوها مني
قبل ما تتعبوا
اد ما تكسبوا من الغربة
هتخسروا
وبكره تجربوا
الغربة ياناس دى داء
داء ملهوش دوا
روحوا اسألوا إللى داق
ومنها قلبه انكوى
وعشان بحبكوا أنا لازم
اقولكم
على إللى أنا شفته فيها
ولازم تعرفوا
فيها يضيع الشباب
وتشوف أيام عذاب
وتدور على الصحاب
عنك يبعدوا
يالى بتفكروا فى الغربة
والفراق
شوفوا انتوا وقدروا
ضريبة الاشتياق
ولما يجى عيد وأهلك
مش معاك
وانت تكون بعيد
عايش وحدك هناك
إيه يكون شعوركم
وإيه تتصوروا
يالى بتفكروا يوم
تتغربوا
من إبداعات
الشاعر
طه الروبى
ليست هناك تعليقات:
إرسال تعليق