مجلة سماء الأبداع للشعر والأدب الألكترونية كتبت الشاعرة ربيعة المالكي قصيدة بعنوان كل يوم أتهجى أسمك

كل يوم أتهجى إسمك

بقلم ربيعة المالكي

كل يوم أتهجى إسمك
حرف حرف
وأمسك ريشتي
وأخوض في رسمك
وأبدأ تاني م الأول
أعيش وأقاسمك
كل حاجة في دنيتي
ماهو إنت كل حاجة
وأقرب ليا من سكتي
كل السكك متمهدالك
مين في الدنيا
ياخد مكانك
دنا عايشة في الدنيا ديه
مش عشاني .. لأ عشانك
باخد وأدي كتير مع نفسي
إيه بعدك تاني مهم
وألقي جوابي لأ مش ممكن
إيه تاني عندي يهم
بس أنا نفسي أجري أطير
وأسبح في الكون
ولا شئ يلمسني إلا ايديك
وعينيك تحرسني
وكل جوارحي تنطق إسمك
ولا حد في الدنيادي يقاسمك
مكانك في القلب