طمني
رموشك ضله ع النني
وقلبي بشوقه مستني
لنظرة عشان تطمني
تقول انى ملكت هواك
وترحم قلب مستني
جواب يقولي ايه جواك
يرد عليا يفهمني
يقول اخرتها ايه وياك
هعيش وياك وتسعدني
ولا هدوق كاس المرار بجفاك
حبيبي قول و فرحني
دانا نفسي اكون دنياك
وتشرب من حنان حبي
واشبع من جمال رؤياك
وتكون للسهر قمري
واكون حارس لنجم سماك
وتنكتب ع الجبين قدري
واعيش عمري اسير لهواك
بقلمى فهمى محمود حجازى
ليست هناك تعليقات:
إرسال تعليق