فستان
يا ترزي ليه فصلت لي
فستان فرح بكمام ستان
طب كنت حتى سألتني
ما أنا لسه لابسة بتاع زمان
لايق على الأحزان
أسود من الحرمان
مش ناوي مرة يتوه
أبدا عن العنوان
بدموع عينيا اسقيه
ما الدمعة لايقة عليه
حزني أنا مكفيه
مفيهوش طمع إنسان
الفرحة مش باللون
الفرحة مين هيصون
يمكن قلوب بتهون
مش لاقية شبر حنان
انا لابسة طرحة عليه
مش م.إللي بالك فيه
يمكن في يوم تلاقيه
في ركن من الأركان
جايبالو كام منديل
تنفع في سهر الليل
لما الدموع بتسيل
تنزل على الفستان
أنا راضية بيه وباللون
أنا عمري ما أقدر أخون
وده لو ههد الكون
مش هخلع الفستان
بقلمي...طارق عطية
ليست هناك تعليقات:
إرسال تعليق