مغرور ! // 1 //
( مهداة إلي مجهولة الاسم والعنوان ) كلمات
أحمد عبد اللطيف النجار
شاعر مجروح
مغرور ...
وإيه غّرك ؟!
إيه بس ها يضّرك ؟!
قلبي اللي متحمل ..
دا ما كانش يتحمل ..
حلوك ولا مُرك !!
مغرور بأسرارك ..
وفي بحر أفكارك ..
أبقى افتكر ليا ..
حبي اللي بيسّرك !!
مغرور ...
وقالوا هالي
يا أبو قلب كان خالي ..
ليه تشغل أفكارك ؟!
بقلب ها يضرك !
مغرور ...
وكله غرور ..
وفي كبريائه بحور
ودوامات من نور ..
دا في بحرة يحفر لك !!
مغرور ..
في نفسه كتير
فاكر إن عمره كبير ..
فاكر هواه دا مصير
لمصيره ها يجرك !!
مغرور ...
وليه تغتّر ...؟!
أنا جمر قلبي شر !
أوعاك يغّرك سكوتي ..
صبر الحليم بيضر !
وأنا صبر قلبي نفذ !
كله سواد ومُر ..!
قالوها أهل السماح ..
أصل المسامح كريم
وأنا أصلي راجل حُر !
أنا أصلي راجل حًر !
أنا أصلي راجل حُر !
أحمد عبد اللطيف النجار
شاعر مجروح
ليست هناك تعليقات:
إرسال تعليق