كتبت في عينك العنوان
.....................
في عينيكي لاقيت العنوان
لاقيت نفسي بترجعلي
واعيش في امان
لاقيت نفسي فرحانه
وروحي تاخدني بالاحضان
لاقيت روحي تحيا
من مقابرها كأني
في جنة الرحمن
عيونك بحر يا حبيبتي
رموشك موجي والشطان
وبتمني اغوص فيها
وبتمني اكون غرقان
ومهما الموج يعذبني
اموت فيها وانا الكسبان
كتبت اسمي مع اسمك
كتبت في عينك العنوان
.................................
حبيبي
حبيبي عيوني تتمناك
وتتمني ليالي الشوق
تعيشها معاك
وتتمني تدوب فيها
وهي كمان تدوب
في هواك
ولو انت شايفني البحر
عيوني تشوفك الاسماك
تعيش جوايا في عيوني
وبالاحضان اعيش وياك
ياخدني الشوق اليك دايما
وعيني قاعدة تستناك
وروحي تعشق الدنيا
لانك فيها زي ملاك
ولو في يوم تغيب عني
من بعدك حياتي هلاك
.....................................
حبيبتي
تعالي بعيد عن الدنيا
اعيش وياكي
ولا افوت ولا ثانيه
وابعد عن عيون الناس
وعينك بس اتمني
ولو شوقي ليكي يحرقني
ابدل ناره بالجنة
ولو توافقي يا حبيبتي
احط في ايدك الحنه
ونرمي بايدنا المفتاح
وجوا عيونك اتهنا
.........
رضا ابو شنب
مصر
ليست هناك تعليقات:
إرسال تعليق