مجلة سماء الأبداع للشعر والأدب الألكترونية كتب الشاعر عماد شكري حجازي قصيدة بعنوان حنين

.....حنين.....

عنوانى قلم رصاص
مفيش مناص
الحلم غاص
واتألمت كل الجوارح
وانا قلبى سابح
فى بحرك مليون سنه
مارسييت على بر ولا شط
ارتياح
ألهبتى ليه فيا الجراح
انا انسان و م الأول حبيت
سهدك وتنهيدك
ولون الفرح فى خدودك
وصمتى كتير بوعودك
انا مسؤول على وعودك
لأنى زرعت بوجودك
حكاية فرح فى الدوار
وليلى فرح ويا نهار
لأنك اسم متسمى
على لسانى بتأنى
وودك وصل موصوفلى
أطير م الفرح بايديكى
ويخالف ظنى تباشيرك
وطلتك زى شمس
فى حلم دفتنى وضمتنى
ولملمت برود طوبه
فى بعادك
زى قمر روانى
النور فى العتمه
بحبك سطح أحلامى
وأيامى تشهد ع الجانى
مواعيدك بأغصانى
انا ملهوف وفى الحرمان
ما باشوف
مسير دربى يخلينى
على بابك اتوضا
وأصلى كما التائب
أنا عائد من زنبى
لحضن حنين بيدفى
وبكره الصوره تتغير
ما أنا شارى
وعنوانى ع الشجره
وغصنى هوه أحلامى
حنين ف القلب
متغطى
واسمك حرف على سطرى
ودمى جوه شريانك
رسوم توثيق لأحلامك
بحبك وطن بجدرانه
نسيم الورد وشبابه
بحبك كلمه موزونه
فى بحرى موجه هيمانه
ولو سألوا مداراتى
تقول انك مجراتى
انتى حنين حكاياتى
ودمعاتى
فى الصبا همسه
واوراقى مطويه بالظلمه
ديوان منظوم بلا رحمه
ما أنا شارى
وعنوانى ع الشجره
وغصنى هوه أحلامى
وغصنى هو أحلامى
بقلمى ...عماد شكرى حجازى