ساعات تمر بأيام
وساعات ساعات وسنين
وليالى طوال !!!!!!
لا انا شايفة ولا سامعه
وفى عنينا الدموع لامعه
وبتفرج على سنين عمرى
وهى رايحة مش راجعه
الوحده حيطان
معزولة شبابيك
وبيبان مقفوله
والعمر ساعات
وبينقص كما الشمعة
اللى بتخلص .!!!!!!!!
زى الورد ما بينشف
من البرد !!!!!!!!'''
ما يبقى فى ورقه عطر
بخطى الصعب !!!!!'''
سور ورا سور !!!!!!
وعكس الجاذبية بدور
واروح ألمس شعاع النور
اميل كأننى ليل يحتضر بأقتراب
الفجر
فيمد القمر كفة ليسدنى
واطالع مرأتى فأجد وجوها تباغتنى
فى عقر ملامحى
الاقى الشمس مش طالعه
إيقاع الحلم نبض بطيئ
براح الكون عليه بيضيق
وحلمى زى طفل برئ
بيسقط من عينيه دمعه
افتح درجى واخد ابتسامتى
هاربه بما تبقى منى
ارممنى
بدءا من قلبى وانتهاء بالف ليله
من الوجع
إقبال النشار
ليست هناك تعليقات:
إرسال تعليق